Базы данных








 

Жаңалықтар
Құрметті профессор-оқытушылар құрамы, қызметкерлер, студенттер мен магистранттар!

Елбасының «Болашаққа бағдар: рухани жаңғыру» бағдарламасыбойынша 100 жаңа оқулық қолға алынды. Стивен Кови мен Ювал Hoaһ Харари еңбектері қазақшаға аударылды. Қазіргі заман кітаптары арасынан қазақшаға аударуға жастардың пікір алуандығын туғыза алатын қос автор арнайы таңдалған. Екі автордың шығармалары – Стивен Ковидің «Жасампаз жандардың 7 дағдысы» және Ювал Ноаһ Хараридің «Sapiens: Адамзаттың қысқаша тарихы» кітабы қазақ тіліне аударылды.

Толығырақ...
 
Құрметті оқытушылар, ғалымдар, қызметкерлер, студенттер мен магистранттар!

Қазіргі таңда білім беру жүйесінің мақсатының бірі – әлемдік білім беру кеңістігіне ықпалдастырған және қоғам қажеттіліктеріне сай көп деңгейлі үздіксіз білім берудің ұлттық үлгісін қалыптастыру. «Жаңартылған білім жүйесі – сапаға бағытталған бағдарлама». Осыған байланысты М.Өтемісов атындағы Батыс Қазақстан мемлекеттік университетінің Ғылыми кітапхана қорына 0,1,2,3,5,6,7,8 сыныптарға арналған мемлекеттік және орыс тілдеріндегі жаңартылған білім беру бағдарламасы бойынша мектеп оқулықтары мен жұмыс дәптерлері, сондай-ақ «Атамұра», «Мектеп», «Алматыкітап» баспалары шығарған оқытушыларға арналған әдістемелік құралдар түсті.

Сіздерді ғылыми кітапхананың оқу залдарында жаңартылған мектеп оқулықтарымен танысуға шақырамыз.

 
Кітап – асыл да сарқылмас рухани қазына

Елімізде Қазақстан Республикасы Президенті Нұрсұлтан Назарбаевтың «Болашаққа бағдар: Рухани жаңғыру» атты бағдарламалық мақаласында қоғамдық және гуманитарлық ғылымдарды дамыту бойынша «Жаңа гуманитарлық білім. Қазақ тіліндегі 100 жаңа оқулық» жобасы іске асырылуда. «Гуманитарлық білім. Қазақ тіліндегі 100 жаңа оқулық» жобасы аясында қазақ тіліне аударылған 17 кітаптың 1504 данасы Махамбет Өтемісов атындағы Батыс Қазақстан мемлекеттік университетінің ғылыми кітапханасына келіп түсті. Осы жоба негізінде ғылыми кітапхананың 4 оқу залында психология саласына арналған Эллиот Аронсонның «Көпке ұмтылған жалғыз: әлеуметтік психологияға кіріспе» 11-басылым, Дэвид Дж. Майерс «Әлеуметтік психология» 12-басылым, Дуэйн Щульц, Сидней Эллен Шульц «Қазіргі психология тарихы» 11-басылымдары бойынша кітапханашы Г. Шаденова библиографиялық шолуы өтті.

Толығырақ...
 
Халқының дара туған перзенті

Ұлттық әдебиетіміздің жаңа кезеңі ХХ ғасыр басындағы дәуірдің шындығын, қоғамдық ой – пікірдің дамуын, әдебиетті жаңа сатыға көтерген ірі суреткер, реалист ақын Сұлтанмахмұт Торайғыровтың 125 жыл толуына орай М. Өтемісов атындағы Батыс Қазақстан мемлекеттік университетінің ғылыми кітапхананың ғалымдар залында «Мәңгі өшпес жарқын жұлдыз» атты әдеби кеш өткізілді. Аталмыш шараға оқытушылар құрамы мен филология, математика факультеттерінің студенттер құрамы қатысты. Әдеби кештің мақсаты Ұлы тұлғаның өлеңдері арқылы адамгершілікке, мейірімділікке, еңбексүйгіштікке тәрбиелеу. Шара барысында филология кафедрасының доценті, филология ғылымдарының кандидаты Шаекенов Жангелді Жұмақайұлы ақынның өмірбаяны мен көп қырлы және түрлі жанрдағы бай мұрасы мен өлеңдерінің жастарға берер мол мұрасымен бөлісті.

Толығырақ...
 
Жолдау – дамудың жаңа дәуірі

М.Өтемісов атындағы Батыс Қазақстан мемлекеттік университетінің ғылыми кітапханасында Елбасымыз Н.Ә.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты жолдауын талқылауға арналған шара өткізілді.

Толығырақ...
 
Латын әліпбиіне көшу – рухани жаңғыру талабы

 

Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» атты бағдарламалық мақаласында 2025 жылға дейін латын әліпбиіне көшуге кірісуіміз керектігін және болашақта барлық саладағы іс- қағаздар мен оқулықтар да осы қаріппен жазылуы тиіс екенін атап өтті. Осыған орай М. Өтемісов атындағы Батыс Қазақстан мемлекеттік университетінің Ғылыми кітапханасында оқытушылар құрамы мен педагогика және психология, филология факультетінің 1- курс студенттері арасында «Латын әліпбиіне көшу – қазақ тілінің жаңа белесі» тақырыбында дөңгелек үстел ұйымдастырылды.

Аталмыш шараға филология ғылымдарының докторы, Сабыр Мұрат Бөкенбайұлы, доцент, филология ғылымдарының докторы Хасанов Ғабит Қайыржанұлы, тіл маманы, филология ғылымдарының кандидаты Аронов Құспан Ғұмарұлы, филология ғылымдарының кандидаты, доцент Шайекенов Жангелді Жұмақайұлы және студенттер құрамы қатысты. Шара барысында, латын графикасын негізге ала отырып, студенттерге латын әрпінің таңбалануын түсіндіріп берді. Латын әліпбиіне көшудің ең басты қажеттілігі мен қазақ тіліндегі сөздердің айтылуындағы өзгерістер, ұтымды тұстары талқыланды. Одан әрі студенттер қазақ жазуын кириллицадан латын тіліне көшіру мәселесіне қатысты ой-пікірлерімен бөлісіп, өздерінің көкейтесті сұрақтарына жауап алды. Ғылыми кітапхана кітапханашысы Нұрғалиева Садап Сүйесінқызы «Латын әліпбиіне көшу – уақыт талабы » атты әдебиеттер көрмесіне шолу жасады. Кітап көрмесі үш бөлімнен тұрады. Бірінші бөлімінде «Рухани жаңғыру: болашаққа бағдар» жолдауына байланысты баспасөз бетіндегі жарияланымдар қойылған. Екінші бөлімінде қазіргі таңдағы өзекті мәселе болып отырған Латын тіліне көшу жөнінде жазылған сын-пікірлер топтастырылған. Қорытынды бөлімінде ғылыми кітапхана қорының сирек кітаптар мұражайындағы латын әрпімен жазылған құнды кітаптар көрмеленген.

Қорыта келгенде, қазақ тілінің латын әліпбиіне көшуі тіліміздің әрі қарай жаңғыруына жақсы ықпал етері сөзсіз. Мемлекеттік тілдің латын әрпіне көшуі- заман талабы. Латын әліпбиіне көшу ұлтымыздың санасын бұғаудан босатады, түркі және жаһандық әлемімен ықпалдасуға, қазақ халқы ертеден қолданған әліпбиімізге қайта оралып, ұлттық санамыздың қайта жаңғыруына жол ашады ғой деген ойдамыз.

 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 1 из 26