• Kazakh
  • Russian
  • English
Жаңалықтар
Тәуелсіздіктің 30 жылдығына - 30 кітап

Қазақстанда «Бір ел – бір кітап» республикалық акциясы 2007 жылдан бері ҚР Ұлттық академиялық кітапханасы мен Қазақстан Республикасының кітапханалық     қауымдастығы бастамасымен ҚР Мәдениет және спорт министрлігінің қолдауымен 15 жыл бойы өткізіліп келеді.

Акцияның міндеті – қазақ әдебиетін кеңінен насихаттап, халықтың оқуға деген қызығушылығын арттыру, Қазақстанның әдеби мұрасын зерттеуге деген қызығушылықты дамыту, сонымен қатар жас ұрпақтың интеллектуалды және рухани дамуына үлес қосу.Акцияның мақсаты – халық әдебиетін насихаттау, тарихи, мәдени және рухани мұраны сақтау, жастарға адамгершілік-патриоттық тәрбие беру, ана тілін құрметтеу.

Қазақстанда 2021 жыл Тәуелсіздік жылы деп жарияланды. Осыған орай «Бір ел – бір кітап» республикалық акциясы ел тәуелсіздігінің 30 жылдығына арналды. Аталмыш акция аясында «30 кітап - Тәуелсіздіктің 30 жылдығына» атауымен танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді.

Поэзия: Мұқағали Мақатаев «Өмірдастан», Жұмекен Нәжімеденов «Менің Қазақстаным», Ұлықбек Есдәулет «Киіз кітап», Серік Ақсұңқарұлы «Көкейімде Күлтегіннің жазуы», Тоқтарәлі Таңжарық «Түн парақтары», Бақытжан Канапьянов «Достояние души».

Проза: Тынымбай Нұрмағамбетов «Періштелердің өлімі», Тобық Жармағамбетов «Отамалы», Сәуле Досжан «Қасірет пен тағдыр», Юрий Серебрянский «Дәмді де пайдалы қазақстандық әдебиет», Даурен Куат «Бөрісоқпақ», Тұрысбек Сәукетай «Желқайық».

Драматургия: Рахымжан Отарбаев «Айна ғұмыр», Дулат Исабеков «Жеті желкен», Мадина Омарова «Көмбе нанның дәмі», Иран-Ғайып «Қорқыттың көрі», Думан Рамазан «Пешене», Сая Қасымбек «Жанталас».

Балалар әдебиеті: Ыбырай Алтынсарин «Өнер-білім бар жұрттар», Бердібек Соқпақбаев «Жекпе-жек», Марат Қабанбаев «Жиһангез Тити», Толымбек Абдырайым «Алабұға аулаған күн», Зира Наурызбаева, Лиля Калаус «Алтын тостағанды іздеу», Мәди Айымбетов «Бар болғаны он төрт жас».

Аудармалар: Юсупов Кеңес, Габриель Гарсиа Маркес «Жүз жылдық жалғыздық», Әдетов Бекболат, Эрих Мария Ремарк «Аманат өмір», Ахметов Әділ, Агата Кристи «Ғайып болған миллион», Меллат Төлеген, Халид Хусейн «Жарқыраған мың күн», Мазен Динара, Ж.К. Роулинг «Хәрри Поттер мен жасырын бөлме», Құрметұлы Амангелді, Орхан Памук «Менің атым – Қырмызы».

 
Оқырмандар (пайданушылар) назарына!

М. Өтемісов  атындағы Батыс Қазақстан университеті ғылыми кітапханасы санитарлық эпидемиологиялық шараларды сақтай отырып, шектеулі режимде қызмет көрсетеді.

Кітапхананың жұмыс уақыты: дүйсенбі – жұма: 9.00 – 18.30.

Кітапханаға келген кезде қауіпсіздікті қамтамасыз ету үшін арнайы ережелерді сақтауды сұраймыз:

- арақашықтықты сақтау;

- міндетті түрде бетперде кию;

- дезинфекциялық құралдарды пайдалану.

Электрондық ресурстар library.wksu.kz – 24/7 режимінде қолжетімді.

Ғылыми кітапхана  анықтама қызметі: 512988, 87718669977 (WhatsApp)

 
Ерекше қажеттілігі бар студенттерге алынған кітаптар: библиографиялық шолу. Кітапханашы Наугольная А. және оқытушы Кенжегалиева А.

 
«Жаңа гуманитарлық білім. Қазақ тіліндегі 100 жаңа оқулық»: библиографиялық шолу. Кітапханашы Садап Нұрғалиева

 
2020 жылы түскен жаңа кітаптарға библиографиялық шолу. Кітапханашы Жүсіпова А.

 
Тәуелсіздік күні мерекесі қарсаңында

Әріптесіміз Нұрғалиева Садап Сүйесінқызы ректорымыз Нұрлан Хабиболлаұлы Серғалиевтың Алғыс хатымен марапатталды.  Садап Сүйесінқызы ортамызда 12 жылдан астам жұмыс атқаруда. Өзі адал, ықыласты, сенімді. Орындалатын жұмысы нәтижелі, жұмысын толық әрі ескертусіз орындай білетін, сауатты, кәсіби маман. Әріптесімізді құттықтаймыз!

 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 1 из 36